BNF 6049 ff 275v- 276r

OverviewTranscribeVersions

Facsimile

Transcription

Show Translation
1982

ce a estre tene et honoree leu de loy et
de privilege. de cemeismes
Saint augustin dit au lievre de baptis
me aparte verite est que costume
doit doner leu a verite qui doute que verite ne
doie meaus valoir de costume. Certes nul
ne doit metre coustume per devant raison
ne per devant verite. Car raison et verite tos
jors sorclot costume. de cemeismes.
Usons sur ce le dit de saint Gregoire qui
dit se tu alegues costumes per aucune
aventure contre raison et verite. Pren te
garde que nostre sire Je sui verite. Il ne dit pas
Je sui costume mais verite. de cemeismes.
Selonc la sentence saint Cipram totes
costumes comet qu'elles soient vielles.
coment qui soient puplees doivent estre mi
ses arieires por suite. Et tous usages qui
sont contraires asuite doivent estre effacies.
Car ce ne font costumes ne usages mais er
ros. de cemeismes.
Encore dit saint augustin que despit
verite et oit costume ou il est en meus
our malvais en use ces freres a qui la verite est des
couverte ou il est mal establis en vers dieu per

CCLXXVI

cui espiravint sient yglise est honoree et en
seigniee. Car nostre sire dit en lavangeile
Je suis verite. Il nen doit onques Je sui costume
Quant verite donques est aperte constume li
doint doner leuc por ce donques que Jhe xpist
est verite. devons mos meaus sivre la quel
verite et raison tos jors abat costume, de quoi
est dit au decret. Sens et raison doit estre mise
par devant examples. a quoi les exaples sacor
dent. Et ce ou il y a plus de loyaute doit estre
meaus garde. porce douquel qui ou droit naturel
ne est nule autre chose comandee fors ce que
dieu veaut qui len face. Ne nest nule chose def
fendue fors ce que dieu deffent que len ne fa
ce Et escripture canonizees nest continue
nule autre chose qui as divines lois. Et les lois
divines sont par nature. Il aperat que toutes les
choses au contraire ala divine volonte ou
ala escripture canonizee sunt contraire au droit
naturel. Et por ce toutes ces choses arieires
miles per la divine volonte ou per escripture ca
nonizee sont contraires au droit naturel ou
per les divines escriptures doivent estre mises
arieires per le droit naturel. Et por ce main
feste chose est que le droit nuaturel desvans ist

Page Notes

Nobody has written a note for this page yet

Please sign in to write a note for this page