BNF 6049 ff 274v- 275r

OverviewTranscribeVersions

Facsimile

Transcription

Show Translation
1981

et ce a un autre. Le droit naturel ou devin est
as devines escriptures. Le droit humain doit
len ceste vile est moe Ce est cerf est mien
Ceste maison est moie per le droit de vin est
a dieu la terre et quant que il ai de deus Car di
eu fit tout. Dieu fit del limon lepoure ausi
co le riche le droit humain est as enpereors por
quei por ce car por lenpereor a dieu deperti al
humaines et mundaines. Car qui ostas le
droit alenpereor il nen seroit ceste vile ou cest serf
est mien. Certes per dignite vaut et meaus droit
naturel que costume ne que costitution et toutes
les choses qui sont receveros ou per costumes
on per escriptures se eles cotrarient au droit na
turel elles sont vaines. Et ce est sentence iu
gice as decretales au title des costumes. Oyons
que seint augustin et li aspotoile. Nicholas et
saint Ciperain et saint Gregoire dit de ce.
Ici dit que costume contre droit naturel
ne vaut et que verite et raison devant vont
a costumement. Ci dit dou comensament
dou droit des costitutions.
Sains augustin dit que le mesfait qui
sont contre les costumes as heroes dovent
estre eschives selonc lacostume et diversite??

cclxxv
que est en tel maniere qui covenant ou autre
qui sont affermes per costume ou per lois des gens
ou daucune cite ne soit brisie ne per prince ne
per estrange. Toute partie est laide qui ne sacor
de a son tout. Quant dieu comande aucune
chose ou contre la costume out contre la go
vernance a acuns ia soit se que ele nait pas
este faite. Et se ele doit estre recouree et ce ele
a este establie ele doit estre restablie ele doit
estre si il loist a i Roy acomander en sa Cite
aucune chose que il ne autre devant lui ne con
mandai onques. Ce nest pas contre la comune de
la cite se len lobeist. Mais ce est contre la comu
ne se ne li obeist. Car general covenant de chas
cune cite est que len obeisse a son Roy Certes
len doit meaus servir a dieu qui regera tou
tes creatures et obeir sens nule dubte a ce
que il comande Car ensi come entre les homes
est que les greignors sont sur les menors
trop plus sens comparation est dieu per desuis
tout. Et ces comandemens per desus ceaus de
tous. De quoi li apostoiles Nicholas die ma
vaise costume doit estre abatue li malvais
en valent user ausi come de privilege en tel ma
niere que se il ne est iustement abatue co

Page Notes

Nobody has written a note for this page yet

Please sign in to write a note for this page