BNF 6049 ff 272v- 273r

OverviewTranscribeVersions

Facsimile

Transcription

Show Translation
1979

272v

les diferences. Le droit naturel a seignorie
entre tous les autres et par tens et par dignite Car
il comense dou comensement a raisonable
creature. Et non est pas mue per tens ains est
tous jors estable. mais por ce que devant est
que le droit naturel compares en la loy et le
vangeli. Et len trove que aucunes choses
sont orendroit outroies que sunt contraires
as choses que sunt establies en la loy Il ne
semble pas que le droit naturel soit si esta
bles quil ne puisse estre mues. A ce respont len
ensi. Droit naturel est conte en loy et en la
vangeli ne por quant toutes les choses qui
sont troveuees en la loy et levangele ne se
cordent pas a droit naturel. mais por ce ne
sont eles pas muables les comandemens
des sacrifices . Et li comandement qui sont
morals apartienent au droit naturel Et por
ce ne sont pas muables les comandemens
ou il y a mistres semblent estranges dou droit
naturel mais selonc le moral entendement
il y apartient. Et por ce se il semble que il
soient muables en le letre il ne sont pas
muables selonc le moral entendement si com
est la loy qui comande generalment que len ne u

273r

se de iustement Donques est entendu que len
emble. Car les ne face omicide et autres teles
choses. Iniustices sont entendues de non
faire per ce comandement devant dit les que
les choses autresi apartienent a droit naturel
Droit naturel veaut que laron soit puni.
Mais que il soit puni de tel peine ou de tel Ce
est droit de loy por ce que il est stabli per loy. En
core droit naturel est secorre le meseise et de
liur le preisonier qui est sens culple mais
la taxation est et apartient au droit de loy.
por ce que il est establi par loi que le presonier
soit rems . de . i . 8 . dor . Encore levengelie
que il sera feru en lune Ioe que il torne lau
tre mais la loy comande que le iuge face
vengance de celui qui offent autre non pas
seluy que est offendu dont len peut clere
ment conoistre que le droit naturel est
contenu en labor et en levagelie et quil co
mensa del comensament a raisonable cre
ature por quoi il nest pas muables. Veons
apres dou droit de costume

Li drois de costume comensa apres
la loi naturel des que li home comencerent

Page Notes

Nobody has written a note for this page yet

Please sign in to write a note for this page